Қирғизистон ун ва дон экспортига вақтинча тақиқ қўйди

Қирғизистонда ун ва ғалла экспортига вақтинчалик тақиқ жорий этилди. Бу ҳақда мамлакат Қишлоқ хўжалиги вазирлиги қарорида маълум қилинган.

Қайд этилишича, бундай қарор озиқ-овқат хавфсизлигини таъминлаш мақсадида қабул қилинган.

Энди Қирғизистондан буғдой уни ва донни олти ойга экспорт қилиш тақиқланди.

Эслатиб ўтамиз, аввалроқ Қирғизистон хорижга рекорд миқдорда ун экспорт қилгани, асосий импортчи Ўзбекистон бўлгани хабар қилинганди.

Бу тақиқ Ўзбекистондаги ун нархларига қанчалик таъсир кўрсатиши ҳозирча маълум эмас.

Шунингдек, қирғизистонлик депутат мамлакатдаги ун нархи ошишида Ўзбекистонни сабаб қилиб кўрсатганди.