189 балл билан контрактга “илинганлар” тақдири нима бўляпти?

Жорий ўқув йили ҳам бошланди, талабалар сафига янги қабул қилинганлар ҳам аллақачон ўқув манзилларида. Аммо ҳали-ҳануз муҳокамалар марказида бўлган энг юқори 189 балл олиб, контрактга кирганлар масаласи ҳавода муаллақ турибди.

Яъни тест синовларида максимал 189 балл тўплаб контрактга кирган пешонаси шўр талабалар грантга қабул қилиндими-йўқми, бу ҳақда ҳалигача аниқ маълумот берилмади. Ваҳоланки, 2023-2024 ўқув йили учун олий таълим йўналишларига кириш тест синовлари якунларига бағишланган матбуот анжуманида Билим ва малакани баҳолаш агентлиги директори Мажид Каримов ушбу ҳолатни “189 балл энг юқори балл. Бу баллни тўплаган абитуриент эътибордан четда қолмайди. Агар бу баллни тўплаб контрактга кирса, бу жуда катта муаммо”, деган эди.

Platina.uz ушбу масала ва айнан 189 балл олиб контрактга илинган талабаларнинг тақдири билан қизиқди. Ушбу талабалар контрактда қолдими ёки бюджетга қабул қилиндими?

Саволимизга тегишли агентликдан жавоб олишга ҳаракат қилдик. Маълум қилинишича, давлат комиссияси томонидан президент грантига даъвогарлар сони тасдиқланганда бу муаммо ҳал бўлади.

“Бу рўйхат яқин орада тасдиқланиши кутилмоқда”, деди агентлик масъули.

Демак, яна кутишда ва кузатишда давом этамиз.

Фазилат Соиб