Тадбиркорлардан бадал сўраб келган йирик жиноий гуруҳ ушланди
Бу ҳақда Фарғона вилояти Марғилон шаҳрида рўйхатдан ўтган МЧЖ масъул ходимлари ички ишларга мурожаат қилиб, турли тазйиқлар бўлганини билдирган.
Қишлоқ хўжалиги маҳсулотларини чет элга экспорт қилувчи тадбиркорлардан бадал тўлашни талаб қилиб келган жиноий гуруҳ қўлга олинди.
Айтилишича, 2018 йилдан бери Москвада фаолият юритаётган ташкилот вакиллари экспорт тариқасида юборилаётган қишлоқ хўжалиги маҳсулотларининг ҳар бир килосидан олинган фойда ҳисобидан 40 центдан бадал сўраган.
Бу ҳақда Фарғона вилояти Марғилон шаҳрида рўйхатдан ўтган МЧЖ масъул ходимлари ички ишларга мурожаат қилиб, турли тазйиқлар бўлганини билдирган.
Ушбу гуруҳ Россияга юборилган жами маҳсулотлардан келиб тушган фойдадан жами 15 126 доллар миқдоридаги пулларни талаб қилган.
2023 йил 23 майда ўтказилган тезкор тадбирда Тошкентдаги ресторанда талаб қилинган пулларни товламачилик қилиб олган шахслар ашёвий далиллар билан ушланган.
Уларга нисбатан Жиноят кодексининг тегишли моддаси билан жиноий иш очилган ва гумондорлар қўлга олинган.
