Сурхондарёда шифохонада беморга жисмоний куч ишлатган ИИБ ходимига жиноят иши қўзғатилди
Вилоят прокуратураси мазкур жиноят иши бўйича дастлабки тергов ҳаракатлари Музработ тумани прокуратураси томонидан олиб борилаётганини маълум қилди.
Cурхондарёда ИИБ ходими тиббий даволаш муассасида беморга куч ишлатгани ҳақида хабар бергандик.
Вилоят прокуратураси хабар беришича, ИИБ ходими тиббий даволаш муассасасида беморга жисмоний куч ишлатгани билан боғлиқ тарқалган видеолавҳа юзасидан терговга қадар текширув ҳаракатлари якунланди.
Терговга қадар текширув натижасига кўра, 2023 йил 19 май куни ЖКнинг 206-моддаси (ҳокимият ёки мансаб ваколати доирасидан четга чиқиш)1-қисми, 140-моддаси (ҳақорат қилиш) 3-қисми "а" банди билан жиноят иши қўзғатилди.
Жиноят иши бўйича дастлабки тергов ҳаракатлари Музработ тумани прокуратураси томонидан олиб борилмоқда.
Тергов ҳаракатларининг бориши вилоят прокуратураси томонидан назоратга олинган.
