Украина дронлар ҳужумига алоқасини йўқлигини билдирди
Украина президентининг юқори мартабали вакилининг баёнот беришича, Кремлга дронлар воситасида қилинган ҳужумга Киевнинг алоқаси йўқ.
Вакилнинг тушунтиришича, бундай ҳаракатлар Украина учун жанг майдонида ҳеч қандай фойда бермайди ва Кремлни янада кескинроқ қарорларга ундайди холос.
Президент маслаҳатчиси Михаил Подоляк Reuters агентлигига берган изоҳларида билдиришича, Кремлнинг “бу ҳужум ортида Украина турибди” дея баёнот бериши ва эҳтимолий украин диверсантларини қамоққа олиши Москванинг Украинага қарши йирикроқ “террорчилик” ҳужумларига тайёрланаётганидан дарак беради. Яъни бу ҳужумлар шунчаки баҳона ясаш учун Кремлнинг ўзи томонидан саҳналаштирилган бўлиши мумкин. "Албатта бу ҳужумларга Украинанинг ҳеч қандай алоқаси йўқ. Биз Кремлга ҳужум қилмаймиз. Чунки бу ҳеч қандай ҳарбий вазифаларни ҳал қилиб бермайди", - деган Подоляк.
Эслатамиз, чоршанба куни Кремлга тунда дронлар ёрдамида ҳужум қилинган ва Россия бунда Украинани айблаб, “бу ҳужум президент Владимир Путинга суиқасд” дея баҳо берганди.
