Касаллиги туфайли референдумга бора олмаса, нима бўлади?

Қайд этилишича, овоз бериш бюллетенида битта савол: "Конституциявий қонунни қабул қиласизми?" деб ёзилган бўлади.

Қолаверса, Марказий сайлов комиссияси ва участкалар ўртасида кун давомида мунтазам алоқалар ўрнатилгани, бир қатор юртдошларимиз муддатдан олдин овоз бериш ҳуқуқидан фойдаланилгани ҳам айтиб ўтилди.

Референдум округларида фуқароларни биометрик индентификация қилиш тизими жорий этилди. Айтилишича, овоз бериш қонунчилик ва халқаро талабларга тўла мос тарзда бўлиб ўтмоқда.

Шунингдек, овоз бериш жараёнларида фуқароларга ҳеч ким, ҳеч қандай таъсир кўрсатишга ҳақли эмас. Ҳар бир фуқаро бир овозга эга. Айрим фуқаролар саломатлигига тўғри келмасдан, референдум участкаларига кела олмаган тақдирда, кўчма овоз қутиси орқали ўша фуқаронинг уйига борилади ва овоз берилади. 

Референдумни 383 нафар халқаро ва 143 мингдан зиёд маҳаллий кузатувчилар назорат қилиб бормоқда.