Уч нафар судья лавозимидан озод этилди
2 нафар судьянинг саломатлиги, 1 нафарининг эса Судьялар одоби кодекси талабларини бузганлиги муддатидан илгари ваколатини тугатишга сабаб бўлган.
Жамият
26 апрель 2023 йил
Судьялар олий кенгаши қарори билан Тошкент вилояти фуқаролик ишлари бўйича Ўртачирчиқ туманлараро судининг судьяси Холжигитов Шерзод Мирзалиевич ва Хоразм вилояти фуқаролик ишлари бўйича Урганч туманлараро судининг судьяси Матниязов Жамол Захирович саломатликлари туфайли ёзма аризаларига биноан лавозимларидан озод этилиб, судьялик ваколатлари муддатидан илгари тугатилди.
Шунингдек, Судьялар одоби кодекси талабларини бузганлиги учун Ибодов Авазжон Ниёзовичнинг судьялик ваколатлари муддатидан илгари тугатилди.
