CAFA Nations Cup халқаро турнирига қуръа ташланди

Бугун, CAFAнинг бош офиси жойлашган Тожикистон пойтахти Душанбе шаҳрида илк марта ўтказилаётган CAFA Nations Cup халқаро турнирига қуръа ташланди.

Ушбу мусобақада жами 7 миллий жамоа иштирок этади.

Қуръага кўра, Тошкент мезбонлигида ўтадиган "А" гуруҳидан Ўзбекистон миллий жамоаси, Тожикистон, Туркманистон ва Уммон жой олди.

Бишкек мезбонлигидаги "В" гуруҳидан эса Қирғизистон, Эрон ва Афғонистон ўрин олди.

Маълумот учун, гуруҳ босқичи 10-11, 13-14, 16-17 июнь кунлари бўлиб ўтади. Финал ва 3-ўрин учун ўйин эса 20 июнь куни Тошкентда бўлиб ўтади.