Саида Мирзиёева талаба қизларнинг ҳуқуқларига эътибор қаратди

Тармоқларда Қўқон педагогика институтида қизларнинг ётоқхонасига яширин камера ўрнатилгани ҳақида хабарлар муҳокамаларга сабаб бўлмоқда.

Айни пайтда муҳокамалар марказида бўлиб турган масалага Президент администрацияси шўъба мудири Саида Мирзиёева эътибор қаратди. Мирзиёева Олий таълим фан ва инновациялар вазири Иброҳим Абдураҳмонов  билан мазкур масалани муҳокама қилди. 

"Жумладан, Қўқон педагогика институтида содир бўлган воқеа ҳамда талаба қизларнинг ҳуқуқларини ҳимоя қилиш, уларга нисбатан зўравонликларнинг олдини олиш чораларини муҳокама қилдик.

Таълим тизими ҳар қандай зўравонликка қарши курашни бошлашимиз керак бўлган асосий платформалардан биридир", - деб муносабат билдирди Мирзиёева.