Боксчиларимиз халқаро мусобақада 2 та олтин медалига сазовор бўлди

Озарбайжон пойтахти Боку шаҳрида бокс бўйича ўсмирлар ўртасида "Ҳейдар Алиев-2023" халқаро турнири бўлиб ўтди.

Ушбу мусобақада 10 га яқин мамлакат боксчилари иштирок этишди. Мусобақа якунга кўра, турнирда 8 нафар иштирокчи билан қатнашган Ўзбекистон ўсмирлар терма жамоаси вакиллари 7 та медалга эга чиқишди.

Терма жамоамиз сафида қуйидаги боксчиларимиз совриндор бўлишди:

Олтин:

-57 кг: Паҳлавон Иброҳимов
-60 кг Фирузжон Садуллаев

Кумуш:

-46 кг: Бехруз Қурбонов
-52 кг: Иброҳим Гиясов
-60 кг: Сардор Саидакбаров
-70 кг: Муҳаммадсаид Ғуломов

Бронза:

-50 кг: Шоҳжаҳон Қаҳҳоров.

Мураббийлар: Шаҳзод Хидиров, Маъруфжон Музаффаров.

Ҳамюртимиз Маъруф Урдушев турнирда ҳакам сифатида ишлади.

Ўзбекистон терма жамоаси аъзоси Беҳруз Қурбонов мусобақанинг энг яхши боксчиси сифатида эътироф этилди.