Диёрбек Эрматов оғир атлетика бўйича жаҳон чемпионатида 3 та медални қўлга киритди

Дуррес шаҳрида (Албания) оғир атлетика бўйича ўсмирлар ўртасида ўтказилган жаҳон чемпионатида ўзбекистонлик Диёрбек Эрматов битта олтин ва иккита бронза медалини қўлга киритди. Бу ҳақда Миллий олимпия қўмитаси хабар берди. 

-81 кг вазн тоифасида супага чиққан Эрматов даст кўтариш машқида 145 кг билан энг юқори натижа кўрсатди.

Силтаб кўтаришдаги 169 кг (бронза) ва икки курашдаги умумий 314 кг (145+169) унга якунда яна бир бронза медалини тақдим этди.

Баҳсларда биринчи ўринни грузиялик Леван Очигава (322 кг: 143+179) эгаллаган бўлса, иккинчи ўринда жанубий кореялик Да Ҳе Квон (316 кг: 142+174) қайд этилди.