2023 йилда фуқаролар илгари сурган лойиҳаларни молиялаштириш давлатга 8 трлн сўмга тушади
“Ташаббусли бюджет” лойиҳасининг 1-мавсуми учун эса 1,5 трлн сўм бюджет маблағлари ажратилган.
Жамият
29 март 2023 йил
Иқтисодиёт ва молия вазирлиги очиқлаган маълумотларга кўра, давлат бюджетининг 2023 йил 1 чорак харажатлари 62,2 трлн. сўмни ташкил этмоқда. Шундан 29,3 трлн. сўми ижтимоий харажатларга йўналтирилади. Шу жумладан, “Ташаббусли бюджет” лойиҳасининг 1-мавсуми учун 1,5 трлн сўм бюджет маблағлари ажратилган.
2023 йилда бевосита фуқаролар томонидан илгари сурилган лойиҳаларни молиялаштириш учун жами 8 трлн. сўм (2022 йилга нисбатан 3,5 бароварга кўп) маблағлар йўналтирилиши прогноз қилинмоқда.
Эслатиб ўтамиз: ижтимоий тармоқларда жорий йилги “Опен бюджет” лойиҳасининг 1 мавсумидаги овоз йиғиш жараёни кўп муҳокамаларга сабаб бўляпти.
