Нархлар барқарорлигини таъминлашга доир имтиёз муддати узайтирилди – Президент фармони

Президентнинг жорий йил 23 мартдаги “Истеъмол бозорларида нархлар барқарорлигини таъминлашга доир қўшимча чора-тадбирлар тўғрисида”ги фармони қабул қилинди.

Фармонга кўра, 2024 йил 1 январгача Ўзбекистонга олиб киришда божхона божининг ноль ставкаси қўлланиладиган товарлар рўйхати тасдиқланди.

Жумладан:

• йогурт; пахта, ивиган сут ёки қаймоқ, қатиқ;
• пишлоқ ва твороглар;
• янги ёки қуритилган хурмо (финик), анжир, ананас, авокадо, гуава, манго ва мангостин ёки гарсиния;
• янги олма, нок ва беҳи;
• буғдой ёки жавдардан ташқари ғалла донидан ун;
• какао таркибли шоколад ва бошқа тайёр озиқ-овқат маҳсулотлари.

Эслатиб ўтамиз, илгари мазкур муддат Президентнинг 2022 йил 31 майдаги фармонига асосан 2023 йилнинг 1 июлига қадар эди.