31 январь, 2023

Нима учун Ўзбекистон Коррупцияни қабул қилиш индексида ўсишга муваффақ бўлди?

Аввалроқ Ўзбекистоннинг халқаро Коррупцияни қабул қилиш индексидаги ўрни 14 поғонага яхшилангани ҳақида хабар бергандик. Мазкур саволга Transparency International — Russia компаниясининг юристи ва БМТнинг Коррупцияга қарши конвенциясининг Ўзбекистонда амалга оширилишини баҳолаш ҳисоботининг ҳаммуаллифи Григорий Машанов қуйидагича тушунтириш берди:

"Ўзбекистон ҳукумати коррупцияга қарши изчил ислоҳотларни давом эттирмоқда. Гарчи Ўзбекистон қариндош-уруғчилик мавжуд авторитар давлат бўлиб қолаётган бўлса-да, ҳукумат давлат хизматларини рақамлаштириш, бюрократия ва рухсат бериш жараёнларини такомиллаштириш, тартиб-қоидаларни соддалаштириш ва маиший коррупцияга қарши курашиш бўйича кўп ишларни амалга оширди”, - дейилади хабарда.