16 январь, 2023

Бухорода суди бўлаётган 22 фуқаронинг охирги сўзлари тингланди

Бухоро вилоят суди биносида 2022 йил 1-2 июль кунлари Нукус шаҳрида содир этилган оммавий тартибсизликлар бўйича 22 нафар судланувчига оид жиноят ишини очиқ суд жараёнида кўриб чиқиш давом эттирилмоқда. Бу ҳақда Олий суд хабар берди. Бугунги суд мажлисида судланувчи Даулетмурат Тажимуратовнинг музокара сўзи тингланди. Шунингдек, 22 нафар судланувчининг охирги сўзлари эшитилди. Шундан сўнг суд ҳайъати қарор чиқариш учун маслаҳатхонага кирди. Суд қарори эълон қилинадиган куни ва вақти ҳақида қўшимча маълум қилинади. Эслатиб ўтамиз, аввалроқ, Нукус воқеаларида айбланган 22 нафар судланувчига оид жиноий иши Бухорода кўрилаётганлиги ҳақида берилган эди.