06 январь, 2023

ТАТУнинг ётоқхонага жойлаштирилган талабалари эртага уйига кузатилади

Тошкент Ахборот технологиялари университетининг таътил якунига етмай пойтахтга келган талабалари ётоқхонага жойлаштирилди. Бу ҳақда Олий таълим, фан ва инновациялар вазирлиги матбуот хизмати хабар бермоқда. Маълум қилинишича, масъуллар вазиятни жойига бориб назоратга олишган. Талабаларни эртага ўз уйларига етиб олишлари учун шароит яратилади. Шунингдек, бошқа шикоят тушган олий таълим муассасаларидаги шароитлар ҳам жойида ўрганиляпти, дейилади вазирлик хабарида. Аввалроқ, Олий таълим, фан ва инновациялар вазирлиги ётоқхонага эртароқ келиб, ўқишга тайёргарлик кўриш ёки бошқа мақсадли ишларни кўзлаб ҳудудлардан таълим муассасаларига келиб бўлган талабаларга қишки қўшимча таътилни ўз яқинлари билан бирга ота-оналари бағрида самарали ўтказишлари тавсия қилган ҳолда расмий муносабат берган эди. Эслатиб ўтамиз, талабалар турар-жойида яшовчи талабаларнинг узайтирилган таътил сабаб 18 январгача бўлган тўлов миқдори қайта ҳисоб-китоб қилиниши ҳақида хабар берган эдик