Сурхондарёда 5 баллик ер силкиниши содир бўлди
Фавқулодда вазиятлар органларига бирор талофат ҳақида маълумот ҳамда мурожаатлар келиб тушмаган.
Сурхондарёда ер силкиниши содир бўлди.
ФВВ Сейсмопрогностик мониторинг республика маркази хабарига кўра, Ўзбекистон вақти билан соат 01:29 да эпицентри Афғонистоннинг Самангон ҳудудида 30 км чуқурликда бўлган, магнитудаси 6,8 балли зилзила содир бўлди.
Унинг Сурхондарё вилоятига сезилиш кучи 5 баллни ташкил этди.
Шунингдек, Қашқадарё — 3-4 балл;
Самарқанд, Жиззах, Навоий, Бухоро, Сирдарё — 3 балллик зилзила кузатилди. Тошкент шаҳри ва Фарғона — 2-3 балл.
Айни вақтга қадар Фавқулодда вазиятлар органларига бирор талофат ҳақида маълумот ҳамда мурожаатлар келиб тушмаган.