Таиланд бош вазири хорижликларни "ўз ватанида ўлиш"га чақирди
Анутхин Чанвиракун хусусий қабристон ташкил этиш ҳақидаги илтимосга жавобан шундай истеҳзоли жавоб қайтарди.
Таиланд Бош вазири Анутхин Чанвиракун чет элликларни ўз мамлакатларида ўлишга чақирди, деб хабар беради Thairath газетаси.
У хусусий қабристон ташкил этиш ҳақидаги илтимосга жавобан шундай истеҳзоли жавоб қайтарган:
"Бу энди жуда кўп, рухсат этилганидан анча ошиб кетди. Агар сизга ўлиш тақдири берилган бўлса, боринг ва ўз уйингизда ўлинг. Бу ерда ўлишингиз шарт эмас", деди вазир губернаторлар билан учрашувда.
Унинг қўшимча қилишича, чет элликлар ҳукумат рухсатисиз Таиландда ихтиёрий равишда диний муассасалар ва жамоалар ташкил қилмасликлари керак.
Бош вазир Таиланд қонунларини бузаётган чет элликларни назорат қилишни кучайтиришни талаб қилди.
У туризм мамлакатга пул ва инвестицияларни жалб қилишини тан олди, аммо бу ҳеч кимга бошқаларни "эксплуатация қилиш" ҳуқуқини бермаслигини таъкидлади. Унинг сўзларига кўра, Таиланд чет элликларни қабул қилишга тайёр, аммо муносабатлар "ўзаро фойдали бўлиши керак".
