Ота-оналар фарзандининг баҳосини онлайн кузатиши мумкин бўлади
Бунинг учун my.gov.uz порталидаги "Менинг оилам" бўлимига кириб, фарзанд ҳақидаги маълумотлар ёнидаги "Мактаб маълумотлари" тугмасини танлаш керак.
Энди фарзандининг мактабдаги баҳоларини my.gov.uz орқали кузатиш мумкин.
Ота-оналар портал орқали фарзандининг ҳар бир фан бўйича жорий ва ўртача баҳолари, шунингдек, синфдаги баҳолар статистикаси билан танишиши мумкин.
Бундан ташқари, мактаб номи ва манзили, ўқувчилар ҳамда ўқитувчилар сони ҳақида ҳам маълумот олиш имкони бор.
Бунинг учун my.gov.uz порталидаги "Менинг оилам" бўлимига кириб, фарзанд ҳақидаги маълумотлар ёнидаги "Мактаб маълумотлари" тугмасини танлаш керак.
Тез орада мазкур порталда фарзандларнинг мактабдаги давомати тўғрисида реал вақт режимида хабар бериш имконияти ҳам ишга туширилиши режалаштирилган.
