Украина Россия билан муҳим инфратузилмаларга зарба бермаслик бўйича келишувга розилик билдирди
Иттифоқчилар Москванинг Украина иншоотларига ҳужум қилмаслигини таъминлаши керак, дейди ппрезидент Зеленский.
Украина Президенти Владимир Зеленский Киев Россия энергетика иншоотларига ҳужумлардан тийилишга тайёрлигини билдирди.
Ўз навбатида иттифоқчилар Москванинг Украина иншоотларига ҳужум қилмаслигини таъминлаши керак.
Зеленский бу ҳақда ўзининг Telegram каналида эълон қилди.
"Украина ўз шерикларига Россия билан муҳим инфратузилманинг йўқ қилинишини тўхтатадиган келишувга эришишни таклиф қилди", деб ёзди давлат раҳбари ва озиқ-овқат, энергия ва бошқа асосий эҳтиёжлар ҳимоя қилиниши кераклигини таъкидлади.
Унинг сўзларига кўра, Украина энергетика иншоотлари, порт инфратузилмаси, логистика ва ҳатто озиқ-овқат ва фармацевтика маҳсулотлари сақланадиган омборлар ҳар куни нишонга олинмоқда.
"Агар бизнинг шерикларимиз Россиянинг бизнинг электр энергетика саноатимизга, бошқа энергетика иншоотларимизга, муҳим инфратузилмамизга ва озиқ-овқат таъминотимизга зарба бермаслик бўйича чинакам ниятини таъминлашга тайёр бўлсалар, унда биз, албатта, ҳужумларимизни тўхтатишга тайёрмиз", деб тушунтирди Зеленский.
У шунингдек, бундай келишувлар ишончли ва узоқ муддатли бўлиши, одамлар ҳаётига реал таъсир кўрсатиши кераклигини таъкидлади.
"Уруш тугаши керак. Ва муҳим инфратузилма билан боғлиқ вазиятни юмшатишга қаратилган қадам тинчликка эришишнинг биринчи қадами бўлиши мумкин. Биз шерикларимиздан аниқ таклифлар кутамиз", деб қўшимча қилди президент.
Аввалроқ АҚШ президенти Дональд Трамп Россия ва Украина бир-бирининг энергетика иншоотларига зарба бермасликка келишиб олганини эълон қилди. Россия ҳам ташаббусни қўллаб-қуваатлади.
