Сирдарёда ободонлаштириш масъуллари 1 млрд сўмдан ошиқ пулни талон-торож қилди
Улар бир неча фуқароларни ишчи сифатида расмийлаштириб, амалда ишламаган кишиларга иш ҳақи ҳисоблашган.
Сирдарё вилоятида 1 млрд сўмни талон-торож қилган ободонлаштириш бошқармаси масъул шахслари фош этилди.
Бош прокуратура ҳузуридаги Департаментнинг Сирдарё вилояти бошқармаси томонидан терговга қадар текширув ўтказилди.
Унда Гулистон шаҳар ободонлаштириш бошқармаси масъул шахслари фуқароларни ишчи сифатида расмийлаштириб, амалда ишламаган ушбу фуқароларга 1 млрд сўм иш ҳақи ҳисоблаган. Сўнгра ушбу пулларни ўз эҳтиёжлари учун сарфлаб бюджет маблағларини ўзлаштириш ёки растрата йўли билан талон-торож қилганликлари аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан билан жиноят иши қўзғатилиб, тергов ҳаракатлари ўтказилмоқда.
