Банклардаги кредит портфели 644 трлн сўмдан ошди
Жисмоний шахсларга ажратилган кредитлар қолдиғи 239,8 трлн сўмни ташкил этди. Унинг таркибида энг катта ҳажм ипотека кредитларига тўғри келиб, 88,1 трлн сўмга етган.
Банкларнинг кредит портфели 644,6 трлн сўмга етди. Бу ҳақда Марказий банк хабар берди.
2026 йилнинг январ–июл ойларида банк тизимининг жами кредит қолдиғи 604,0 трлн сўмдан 644,6 трлн сўмга етиб, 6,7 фоизга ошди.
Жисмоний шахсларга ажратилган кредитлар қолдиғи 239,8 трлн сўмни ташкил этди. Унинг таркибида энг катта ҳажм ипотека кредитларига тўғри келиб, 88,1 трлн сўмга етди.
Микрокредитлар 46,7 трлн сўмни, микроқарзлар эса 51,1 трлн сўмни ташкил этди.
Юридик шахсларга ажратилган кредитлар қолдиғи 404,8 трлн сўмга етди. Йил бошидан ушбу сегментдаги кредитлар 5,5 фоизга, жумладан микрокредитлар 22,1 фоизга, лизинг ва факторинг операциялари 27,5 фоизга ошди.
Кредит портфелининг асосий қисми — қарийб 63 фоизи юридик шахсларга, 37 фоизи эса жисмоний шахсларга ажратилган кредитлар ҳиссасига тўғри келмоқда.
