Эронга қарши иқтисодий уруш: АҚШ молия вазири баёнот билан чиқди
Эндиликда Теҳрон билан фаол савдо алоқаларини олиб борувчи учинчи давлатлар АҚШ чекловларига учраши мумкин.
Қўшма Штатлар Эронни иқтисодий жиҳатдан изоляция қилиш учун кенг кўламли "Иқтисодий сургун" операциясини бошлади.
Вашингтон Теҳроннинг даромад манбаларини узиб қўйиш ниятида ва учинчи давлатларни Ислом Республикаси билан ҳамкорликни давом эттиргани учун санкциялар билан жазолаш ҳақида огоҳлантирди.
АҚШ Молия вазири Скотт Бессент операцияни 24 август куни эълон қилди. Унинг сўзларига кўра, Америка агентликлари Эрон режими ва Ислом инқилоби қўриқчилари корпусини (IRGC) қўллаб-қувватлайдиган даромад манбаларини блокировка қилишни режалаштирмоқда.
"Бугундан бошлаб Молия вазирлиги ва бошқа агентликларнинг ҳаракатлари ҳалқани сиқади ва IRGC ва Эрон режимини молиялаштиришнинг барча потенциал даромад манбаларини блоклайди", деди Бессент.
Янги чоралар Эроннинг бошқа давлатлар билан молиявий алоқаларига қаратилган. Вашингтон, шунингдек, Теҳронга чекловлардан қочишга, Эрон билан боғлиқ молиявий операцияларни амалга оширишга ёки Эрон нефтини сотишда иштирок этишга ёрдам берадиган хорижий компаниялар ва ташкилотларга қарши иккиламчи санкцияларни жорий этиш имкониятини кенгайтирди.
