АҚШ Сурияни терроризмга ҳомий давлатлар рўйхатидан чиқарди

АҚШ Давлат департаменти Суриянинг терроризмни қўллаб-қувватловчи давлат сифатидаги мақомини бекор қилди. АҚШ Молия вазирлиги ўз навбатида "Ҳаят Таҳрир аш-Шам"га қарши санкцияларни бекор қилди, дея хабар беради департамент расмий баёнотида.

Сурия 1979 йил декабридан бери ушбу рўйхатда эди. 2025 йил июнь ойи охирида АҚШ президенти Доналд Трамп 2004 йилда мамлакатга нисбатан жорий этилган санкцияларни бекор қилувчи фармонни имзолади.

Шунингдек, у Давлат котиби Марко Рубиога Суриянинг терроризмни қўллаб-қувватловчи давлат сифатидаги номини қайта кўриб чиқишни буюрди.

2026 йил июл ойи бошида Трамп Конгрессга ўз маъмурияти Суриянинг мақомини ўзгартириш ниятида эканлиги ҳақида хабар берди. Баёнотда айтилишича, бу қарор мамлакатни халқаро савдо ва инвестициялар учун очиб беради ва унга тикланиш имкониятини беради.

50 йилдан ортиқ вақт давомида Сурия Асад оиласи режими томонидан бошқарилган. 2024 йил декабр ойида президент Башар Асад ағдарилиб, Россияга қочиб кетди. "Ҳаят Таҳрир аш-Шам" гуруҳининг собиқ исёнчилари Сурияни демократик давлатга айлантиришга ваъда бериб, ҳокимият тепасига келишди.

2025 йил май ойида Европа Иттифоқи Сурияга қарши барча иқтисодий санкцияларни бекор қилганини эълон қилди. Қўшма Штатлар ҳам баъзи чекловларни бекор қилди.