"Ўзбекфилм"нинг мол-мулки ва ер майдонлари гаровга қўйилгани маълум бўлди
Бундан ташқари, солиқлардан 1 млрд сўмдан ортиқ қарздорлик тўпланган. Шу сабаб киностудия балансидаги 12 та автомобил 12 кун ичида аукционга қўйилиши хавфи бор. Ходимлар олдида иш ҳақи бўйича ҳам қарздорлик мавжуд.
Кинематография агентлиги директори Жаҳонгир Аҳмедов "Ўзбекфилм" студиясидаги оғир вазият ҳақида ёзди.
Унга кўра, "Ўзбекфилм"нинг 22,9 млн евро кредит қарзи бор, мол-мулки ва ерлари гаровга қўйилган.
Студиянинг 22,9 млн евро кредит мажбурияти бор, ушбу кредит учун унинг мол-мулки, жумладан, ер майдонлари ҳам гаровга қўйилган.
Бундан ташқари, солиқлардан 1 млрд сўмдан ортиқ қарздорлик тўпланган. Шу сабаб киностудия балансидаги 12 та автомобил 12 кун ичида аукционга қўйилиши хавфи бор. Ходимлар олдида иш ҳақи бўйича ҳам қарздорлик мавжуд.
Аҳмедовнинг ёзишича, "Ўзбекфильм" ўзини сақлаб туриши учун йилига камида 60 млрд сўмлик буюртма бажариши керак. Айни пайтда киностудия амалда давлат буюртмаларига қарам бўлиб қолган ва тўлиқ бозор механизмига ўтмаган.
"Шунинг учун бугунги вазифа – студияни шунчаки сақлаб қолиш эмас.Уни тубдан ислоҳ қилиш керак.Молиявий жиҳатдан барқарор, замонавий бошқарувга эга, кучли ижодий жамоаларни бирлаштирадиган, хусусий инвестиция ва халқаро ҳамкорликни жалб қиладиган, ўз маҳсулоти билан бозорга чиқадиган ҳақиқий миллий кино компанияси барпо этишимиз керак", дея хулоса қилган Аҳмедов.
