Энди банкдан ҳужжатсиз 500 долларгача валюта сотиб олиш мумкин
Янги қоида 9 августдан кучга кирди. Илгари чеклов 100 долларгача эди.
Энди Ўзбекистон банкларида паспорт ёки бошқа ҳужжатни тақдим этмасдан 500 долларгача нақд хорижий валютани сотиб олиш мумкин.
Илгари ҳужжатларсиз фақат 100 долларгача хорижий валютани сотиб олиш мумкин эди. Бу лимит беш баравар оширилди.
Янги қоида 9 августдан кучга кирган идоравий ҳужжатда қайд этилган.
Адлия вазирлиги процедураларни соддалаштириш ва аҳоли учун қўшимча қулайликлар яратиш агентликнинг устувор вазифаларидан бири эканлигини таъкидлади.
Илгари Ўзбекистонда молия сектори мижозларининг биометрик маълумотларини сақлаш бўйича янги талаблар кучга кирганлиги ҳақида хабар берилган эди.
Марказий банк бошқарувининг тегишли қарори Адлия вазирлиги томонидан 1 августда рўйхатдан ўтказилди ва расмий эълон қилинган кундан бошлаб кучга кирди.
