Аномал иссиқда электр узилиши бўйича мурожаатлар кўпайди
Президент Халқ қабулхонасига ўтган ҳафта давомида (13-19-июл) жами 19 890 та мурожаат тушган. Бола нафақаси ва алимент ундириш масалалари ҳамон долзарблигича қолган.
Ўтган ҳафта давомида (13-19-июл) жами 19 890 та мурожаат тушган бўлиб, унда фуқаролар томонидан 21 282 та масала кўтарилган.
Бола нафақаси ва алимент ундириш масалалари ҳамон долзарблигича қолмоқда.
Шунингдек, Ўзбекистон бўйлаб электр узилишлари бўйича мурожаатлар кўпайган. Хусусан, электр узилишлари бўйича 1012 та, электр объектларини таъмирлашга оид 356 та мурожаат келиб тушди.
Энг кўп мурожаат тушган ташкилотлар:
ИҲМА (Ижтимоий ҳимоя миллий агентлиги): 3 432 та
Энергетика вазирлиги: 2 950 та
ИИВ (Ички ишлар вазирлиги): 2 063 та
МИБ (Мажбурий ижро бюроси): 1 880 та
Бош прокуратура: 1 125 та
ССВ (Соғлиқни сақлаш вазирлиги): 1 068 та.
Энг кўп мурожаат қилинган масалалар:
Бола нафақаси: 1 750 та
Алимент ундириш: 1 049 та
Электр узилишлари: 1 012 та
Газ балони таъминоти: 844 та
Ҳуқуқбузарликка оид масалалар: 416 та
Суриштирув ва тергов жараёнлари: 376 та
Бир марталик моддий ёрдам олиш: 359 та
Электр объектларини таъмирлаш: 356 та.
