Санъат Жуманиязов Янгийўл туманига ҳоким этиб тайинланди
У шу пайтга қадар Вазирлар Маҳкамасида масъул лавозимда ишлаб келган.
Янгийўл туманига янги ҳоким тайинланди.
Халқ депутатлари туман Кенгашининг навбатдан ташқари сессияси якунланди. Сессияда Тошкент вилояти ҳокими Зойир Мирзаев туманни ижтимоий-иқтисодий ривожлантириш бўйича белгиланган вазифалар ижроси юзасидан танқидий-таҳлилий маъруза қилди.
Сессияда ташкилий масала кўрилди. Туман ҳокими лавозимида ишлаб келган Атауллаев Одилжон Қосимович эгаллаб турган лавозимидан озод этилди.
Зойир Мирзаев Янгийўл тумани ҳокими лавозимига шу пайтга қадар Вазирлар Маҳкамасида масъул лавозимда ишлаб келаётган Санъат Шакирович Жуманиязов номзодини тавсия қилди.
Халқ депутатлари туман Кенгаши депутатлари томонидан Санъат Жуманиязов Янгийўл тумани ҳокими этиб тасдиқланди.
Аввалроқ Бекобод туманига ҳоким тайинланганди.
