Мексика жаҳон чемпионати очилиш ўйинида ЖАРни мағлуб этди
Осиё вакили Жанубий Корея эса Чехияни иродали тарзда енгди.
Мексика Жаҳон чемпионати очилиши ўйинида Жанубий Африкани мағлуб этди.
Ўйин 2:0 ҳисобида якунланди. Жулиан Кинонес турнирдаги биринчи голни урди, ҳужумчи Раул Хименес эса иккинчи голни киритди. Шу тариқа Мексика А гуруҳидан чиқиш учун курашни ишончли бошлади.
Ўйин давомида ҳакам учта қизил карточка кўрсатди. Бу Жаҳон чемпионати тарихидаги очилиш ўйинида биринчи марта содир бўлди.
Яя Ситхоле 49-дақиқада биринчи қизил карточкани олди. Ҳисоб аллақачон 2:0 бўлганида, Жанубий Африканинг иккинчи ўйинчиси Тҳемба Зване майдондан четлатилди. Учинчи қизил карточка мексикалик Сезар Монтесга кўрсатилди.
Иккинчи ўйинда Жанубий Корея ва Чехия ўзаро ўйнади.
Дастлаб 59-дақиқада чехлар ҳисобни очди, аммо кореяликлар 67 ва 80-дақиқаларда икки гол билан жавоб беришди.
Натижада Жанубий Корея якунда муҳим 3 очкони қўлга киритди.
