Бинямин Нетаняҳу яна сайловларда қатнашишини билдирди
У илк бор 1996 йилда бош вазир бўлганди. Сўровномаларга кўра, исроилликларнинг тахминан 60 фоизи Нетаняхунинг қайта сайланишига қарши.
Исроил Бош вазири Бинямин Нетаняху яқинлашиб келаётган Кнессет сайловларида иштирок этади.
Бу ҳақда ҳукмрон "Ликуд" партияси эълон қилди.
76 ёшли Бенямин Нетаняху 1996 йилдан 1999 йилгача, 2009 йилдан 2021 йилгача ва 2022 йилдан ҳозирги кунгача бош вазир бўлиб ишлаган. У мамлакат тарихидаги энг узоқ вақт хизмат қилган бош вазирдир.
Яқинлашиб келаётган сайловларнинг аниқ санаси ҳали аниқланмаган; улар 27 октябрга белгиланган, деб хабар беради The Times of Israel.
Бу Исроилнинг 2023 йил 7 октябрьдаги Ҳамас ҳужумидан кейинги биринчи сайловлари бўлади.
Reuters агентлиги Исроил Демократия Институти томонидан ўтказилган сўровномага таяниб, бош вазир коалицияси сайловларда кўпчилик овозни қўлга кирита олмаслигини башорат қилмоқда, чунки исроилликларнинг тахминан 60 фоизи Нетаняхунинг қайта сайланишига қарши.
АҚШ президенти Доналд Трамп Исроил бош вазири яна номзодини қўйишига шубҳа билдирди: "Билмадим, у ажойиб мартабага эга эди. У давом этишни хоҳлайдими? Чунки, биласизки, у уруш давридаги бош вазир".
