Трамп: 2028 йилги сайловларда Вэнс-Рубио тандемини ютиш деярли имконсиз бўлади
АҚШ раҳбари аввал ҳам бу икки сиёсатчи сайловларда қатнашиши кераклиги ҳақида гапирганди.
Агар АҚШ Давлат котиби Марко Рубио ва вице-президент Ж.Д. Вэнс президентлик сайловларида биргаликда иштирок этсалар, уларнинг тандемини мағлуб этиш деярли имконсиз бўлади. Бу ҳақда Президент Доналд Трамп New York Post нашрига маълум қилди.
"Менимча, Ж.Д. Вэнс ва Рубиони бир жамоа сифатида мағлуб этиш жуда қийин бўлади", деди у. "Мен уларнинг биргаликда ишлашини ва жуда яхши тил топишишини кузатганман", дея қўшимча қилди Америка етакчиси.
АҚШ президентлик сайловларида номзод вице-президентликка номзод билан бирга иштирок этади.
Кейинги президентлик сайловлари 2028 йилда бўлиб ўтади.
Трамп илгари Вэнс ва Рубио кейинги сайловларда республикачилар партиясидан президентликка номзод бўлиш учун биргаликда иштирок этишлари кераклиги ҳақидаги фикрини билдирган эди. Баъзи оммавий ахборот воситалари икки сиёсатчи президентликка ким номзод бўлиши борасида кураш олиб бораётганини таъкидламоқда. Рубиони Вашингтондаги кўплаб республикачи Конгресс аъзолари қўллаб-қувватлайди, Вэнс эса Вашингтон элитасига қараганда вилоят республикачи сайловчилари учун кўпроқ номзод ҳисобланади.
