Россия Ўзбекистондан келтирилаётган мева-чеваларга тақиқ қўйди
Бу ўнта Ўзбекистон компаниясига тегишли. Тақиқ 30 майдан кучга киради.
Росселхознадзор (Ветеринария ва фитосанитария назорати федерал хизмати) ўнта ўзбекистонлик экспортчи томонидан мева-сабзавот импортига вақтинчалик чекловлар қўйди.
Бу ҳақда агентлик веб-сайтида хабарнома эълон қилинди.
Кейинчалик Росселхознадзор бу маълумотни рад этди ва хабарномани веб-сайтдан олиб ташлади.
Тақиқ 30 майдан кучга киради. Рўйхатда қуйидаги ўзбекистонлик компаниялар мавжуд:
EXPORIA TRADE MChJ;
GLOW FRUIT MChJ;
SARDOBAAGROEKSPORT MChJ;
BUKORO MEVA SABZOVOTCHILIK EXPORTI MChJ;
GANI BOBO BOGI MChJ;
BMB GLOBAL SAVDO MChJ;
NEW AGROQUVA MChJ;
AMIR GRENS MChJ;
ZAMORA MChJ;
Ушбу қарор Россияда фитосанитария хавфсизлигини таъминлаш, шунингдек, Ўзбекистондан Россияга карантин маҳсулотларини етказиб беришда қоидаларга риоя қилмаслик ҳолатлари туфайли қабул қилинди.
Шунингдек, 30 майдан бошлаб Арманистондан Россияга мева-сабзавот маҳсулотларини импорт қилиш чекланади. Маҳсулотлар рўйхатига янги помидор, бодринг, қалампир, яшил сабзавотлар (исмалоқ, укроп, салат барги, петрушка ва бошқалар) ва қулупнай киради.
Қарор Ўзбекистондан келтирилган маҳсулотлар билан боғлиқ вазият билан бир хил сабабга кўра қабул қилинди.
