Айрим ҳуқуқбузарликлар қўриқлаш хизматлари мансабдорлари томонидан кўриб чиқилади
Улар орасида вояга етмаган шахсни ғайриижтимоий хатти-ҳаракатларга жалб қилиш, маиший шовқинга қарши кураш талабларини бузиш ва бошқалар бор.
Айрим маъмурий ҳуқуқбузарликларга оид ишлар Ички ишлар вазирлиги ҳузуридаги қўриқлаш хизмати мансабдор шахслари томонидан кўриб чиқилади.
Қонун (ЎРҚ–1146-сон, 19.05.2026 й.) билан Ўзбекистон Республикасининг Маъмурий жавобгарлик тўғрисидаги кодексига ўзгартириш ва қўшимчалар киритилди.
Қуйидаги маъмурий ҳуқуқбузарликка оид ишлар ички ишлар органлари ҳузуридаги қўриқлаш хизматлари бошлиқлари ва уларнинг ўринбосарлари томонидан кўриб чиқилади:
- жамоат жойларида тамаки ва алкогол маҳсулотини истеъмол қилиш;
- белгиланмаган жойларга чиқиндиларни ташлаш ва тўкиш;
- вояга етмаган шахсни ғайриижтимоий хатти-ҳаракатларга жалб қилиш;
- маиший шовқинга қарши кураш талабларини бузиш ва бошқалар.
Қуйидагилар ички ишлар органлари ҳузуридаги қўриқлаш хизматларининг (бўлинмаларининг) мансабдор шахслари томонидан кўриб чиқилади:
-оз миқдорда талон-тарож қилиш;
-майда безорилик;
-диний материалларни қонунга хилоф равишда тайёрлаш, сақлаш, олиб кириш ёки тарқатиш;
-қуролдан белгиланган тартибни бузган ҳолда фойдаланиш;
-совуқ қуролни олиб олиб юриш;
-вояга етмаган шахсни маъмурий ҳуқуқбузарлик содир этишга жалб қилиш ва бошқалар.
