"Арсенал" муддатидан аввал Англия чемпионига айланди
Лондонликларнинг энг яқин таъқибчиси “Манчестер Сити” АПЛнинг 37-тур баҳсида “Борнмут” билан дуранг қайд этди.
Лондоннинг "Арсенал" клуби муддатидан аввал Англия чемпионига айланди.
Клубнинг яқин таъқибчиси “Манчестер Сити” АПЛнинг 37-тур баҳсида “Борнмут” билан дуранг қайд этгани (1:1) сабаб энди улар “Арсенал”га ета олишмайди. “Тўпчилар” 82 очко билан муддатидан аввал АПЛ ғолибига айланишди.
“Арсенал” охирги марта 2003/04 мавсумда Англия чемпионатида тенгсиз бўлган эди.
Ўзбекистонлик Абдуқодир Ҳусанов “Манчестер Сити” билан бирга АПЛ кумуш медалларига эга чиқди.
"Арсенал" шунингдек, ЕЧЛда ғалаба қозониш имкониятини ҳам сақлаб турибди, жамоа 30 май куни ПСЖга қарши финалда ўйнайди.
