Аччиқ қалампир қон босимини туширишга ёрдам бериши маълум қилинди
Тегишли тадқиқот натижалари Food & Function (F&F) журналида эълон қилинди.
Аччиқ қалампир ва унга асосланган маҳсулотлар қон босимини бироз пасайтириши ва юрак уришини секинлаштириши мумкин. Бу хулосага Food & Function (F&F) журналида тадқиқоти нашр этилган тадқиқотчилар келишган.
Олимлар қалампирга аччиқлик берадиган моддалар - капсаициноидларнинг таъсири бўйича 14 та клиник тадқиқот натижаларини таҳлил қилишди.
Тажрибаларда иштирокчилар қизил қалампир кукуни, қалампир шарбати, ферментланган гочужанг пастаси ва махсус қалампир экстракти қўшимчаларини истеъмол қилишди.
Умуман олганда, тадқиқотлар қон босимига сезиларли таъсир кўрсатмади. Бироқ, 12 ҳафтадан ортиқ давом этган тадқиқотларда улар диастолик босимнинг бироз пасайишини - тахминан 0,8 мм симоб устуни - кузатдилар.
Бундан ташқари, иштирокчиларнинг ўртача юрак уриш тезлиги дақиқасига тахминан 1,5 мартага камайди. Тадқиқот муаллифлари таъкидлашича, бу таъсир статистик жиҳатдан аҳамиятли эди, аммо ҳали сезиларли клиник фойда келтирадиган даражада кучли эмас.
Бироқ, натижалар аччиқ қалампирнинг юрак-қон томир саломатлигига потенциал таъсирини кўрсатади.
