Исроил ҲАМАСнинг ҳарбий қаноти қўмондони ўлдирилганини эълон қилди
Ал-Ҳаддад Фаластин анклавидаги гуруҳнинг аввалги қўмондони Муҳаммад Синварнинг ўлимидан сўнг ушбу лавозимни эгаллаган.
Исроил Мудофаа Кучлари ҲАМАСнинг ҳарбий қаноти "ал-Қассам" қўмондони Изз ад-Дин ал-Ҳаддаднинг ўлдирилганини эълон қилди.
Бу ҳақда Исроил армияси матбуот котиби идораси хабар берди.
"Қайтарилган гаровга олинганлар билан ҳар бир суҳбатда асосий террорчи Изз ад-Дин ал-Ҳаддаднинг исми қайта-қайта тилга олинди. У 7 октябрдаги қирғиннинг асосий айбдорларидан бири (2023 йил 7 октябрда ҲАМАСнинг Исроилга ҳужуми ) ва ҲАМАСнинг ҳарбий қаноти раҳбари эди. Бугун биз уни йўқ қилишга муваффақ бўлдик", дейилади пресс-релизда.
ҲАМАС вакили Reuters агентлигига ҳарбий қанот раҳбарининг ўлимини тасдиқлади. Ҳаракат Исроилнинг баёнотларига расман изоҳ бермади.
Исроил армиясининг маълумотларига кўра, Изз ад-Дин ал-Ҳаддад Фаластин анклавидаги гуруҳнинг аввалги қўмондони Муҳаммад Синварнинг ўлимидан сўнг ўз лавозимини эгаллаган. ИДФнинг таъкидлашича, яқинда Изз ад-Дин ал-Ҳаддад ҳаракатнинг ҳарбий қанотининг салоҳиятини тиклаш ва Исроил фуқароларига қарши ҳужумларни режалаштириш устида ишлаган.
