Жиззахда чиқинди тарифлари кескин оширилди

Жиззах вилоятининг шаҳар ва туманларида қаттиқ маиший чиқиндилар билан боғлиқ ишларни амалга ошириш ва хизматлар кўрсатиш соҳасида мажбурий тўловлар тарифлари миқдори тасдиқланди.

Халқ депутатлари вилоят кенгаши қарорига кўра, янги нархлар аввалгисидан кескин қимматлаган. Ҳукумат қарорига қарши ўлароқ тарифлар расмий эълон қилинган кундан кучга кириши белгиланган.

Янги тарифлар

• Қаттиқ маиший чиқиндини олиб чиқиб кетганлик учун жисмоний шахслардан 1 киши учун ойлик тўлов 8500 сўм (эски нарх 6000 сўм);
• Қаттиқ маиший чиқиндини олиб чиқиб кетганлик учун юридик шахслардан ундириладиган тўлов тарифи 1 тонна учун 140 минг сўм (эски нарх 60 минг сўм);
• Қаттиқ маиший чиқиндини юридик ва жисмоний шахслардан олиб чиқиб кетганлик ҳамда уни чиқиндиларни қайта юклаш станцияси, чиқинди полигонлари, чиқиндиларни ёқиш заводлари, экосаноат зоналарида фаолият юритувчи тадбиркорлик субъектларига етказиб берганлик учун санитар тозалаш корхоналарига тўлов тарифи 1 тонна учун 304 000
• Қаттиқ маиший чиқиндини қабул қилиб олганлик, рекултивация қилганлик ва кўмганлик учун чиқинди полигонларига тўлов тарифи 1 тонна учун 34 800 сўм.

Эслатиб ўтиш керак, вилоятда тарифлар охирги марта 2024 йил февралда оширилганди.

Аввалроқ электр энергияси ва табиий газ нархлари оширилиши ҳақида ҳам хабар берилганди.