Ўзбекистонда 10 та йирик уюшган жиноий гуруҳлар фаолиятига чек қўйилди
Улар тадбиркорлар фаолиятига тўсқинлик қилиб, фуқаролар ўртасидаги олди-берди муносабатларига фаол аралашган.
Ўзбекистонда 10 та йирик уюшган жиноий гуруҳлар фаолиятига чек қўйилди.
Ҳуқуқ-тартибот органларининг тезкор бўлинмалари ҳамкорлигида апрел ойида уюшган нарко-жиноятчиликка, шунингдек, уюшган жиноий гуруҳлар фаолиятига барҳам беришга қаратилган комплекс тезкор чоралар амалга оширилди.
Уюшган гуруҳий жиноятчиликка қарши курашиш йўналишида ўтказилган манзилли тезкор тадбирлар натижасида 10 та йирик уюшган жиноий гуруҳлар фаолиятига чек қўйилиб, уларнинг 10 нафар гуруҳ етакчилари ва 50 нафар аъзолари қўлга олинди.
Ушланган уюшган гуруҳлар 17 та шаҳар-туманда ўз жиноий қилмишларни содир этган.
Улар тадбиркорлар фаолиятига тўсқинлик қилиб, фуқаролар ўртасидаги олди-берди муносабатларида фаол иштирок этган.
Сўнгра оғир ва ўта оғир жиноятларни содир қилиб келган (8 та талончилик, 5 та оғир тан жароҳат етказиш, 4 та безорилик, 4 та ўғрилик ва бошқ.);
Ушбу жиноий гуруҳларнинг таркибини асосан муқаддам судланган (8 нафар) ҳамда спортнинг жанговар тури билан шуғулланувчи шахслар (4 нафар) ташкил этмоқда.
