Трамп иштирок этган тадбирда отишма содир бўлди
Президент ва меҳмонлар хавфсизлик туфайли эвакуация қилинган. Отишма содир этган шахс қўлга олинди.
Вашингтонда АҚШ президенти Доналд Трамп иштирок этган тадбирда отишма содир бўлди.
Ҳодиса Вашингтондаги Wашингтон Hill меҳмонхонасида Оқ уй мухбирларининг кечки овқатида содир бўлган.
Отишма овози эшитилгандан сўнг, Махфий хизмат агентлари президентни саҳнадан эвакуация қилишди.Fox News телеканалининг хабар беришича, отишма ҳақида хабар берилгандан сўнг, биринчи хоним Мелания Трамп ва вице-президент Ж.Д. Вэнс ҳам эвакуация қилинди.
АҚШ президенти Доналд Трамп иштирок этган тадбирда отишма уюштирган шахс ҳибсга олинди. Америка етакчиси бу ҳақда Truth Social ижтимоий тармоқ платформасида ёзган.
Axios журналисти Марк Капутонинг сўзларига кўра, ҳибсга олинган шахс милтиқ билан қуролланган эди. У хавфсизликни бузишга уринган ва Махфий хизмат ходимига қарата ўқ узган. Ўқ унинг ҳимоя воситаларига тегиб кетган ва хавфсизлик ходими жароҳатлар билан касалхонага ётқизилган.
CNN манбаларига кўра, отишма уюштирган шахс 31 ёшли Калифорниялик ўқитувчи Коул Аллен эканлиги аниқланган.
Полиция гумондор Washington Hilton меҳмонхонасида меҳмон бўлган деб ҳисоблайди. Алленнинг қўшниси унинг руҳий саломатлиги билан боғлиқ муаммоларга дуч келиши мумкинлигини тахмин қилмоқда.
CNN телеканалининг хабар беришича, Алленнинг суди 27 апрел, душанба куни бўлиб ўтади. У ўқотар қурол ишлатганликда ва федерал зобитга қурол билан ҳужум қилганликда айбланмоқда.
1981 йил март ойида АҚШнинг 40-президенти Роналд Рейганга айнан шу меҳмонхонада суиқасд уюштирилганди.
