ЕЧЛ: дастлабки ярим финалчилар номи маълум бўлди
"Барселона" Мадридда ғалаба қозонди, аммо якунда мусобақани тарк этди.
Европа Чемпионлар лигасининг чорак финал босқичи доирасида дастлабки жавоб учрашувлари бўлиб ўтди.
Мадридда "Атлетико" жамоаси "Барселона"ни қабул қилди. "Сивитас Метрополитано" стадионида кечган қизиқарли тўқнашувда каталонияликлар 2:1 ҳисобида зафар қучишди, бироқ илк ўйиндаги мағлубият (0:2) туфайли мусобақани тарк этишди. "Атлетико" финал остонасида "Арсенал" — "Спортинг" жуфтлиги ғолиби билан ўйнайди.
"Ливерпул"га қарши "Энфилд" стадионида кечган учрашувда ПСЖ клуби 2:0 ҳисобидаги ишончли ғалабани қўлга киритди. Дастлабки баҳсда ҳам 2:0 ҳисобида ғалаба қозонган "ПСЖ", икки ўйин натижасига кўра 4:0 ҳисоби билан ярим финал йўлланмасини қўлга киритди. Энди Луис Энрике шогирдлари финал йўлида "Реал" Мадрид — "Бавария" жуфтлиги ғолибига қарши баҳс олиб боришади.
