Украина ва Россия пасха байрами сабаб сулҳ эълон қилди
Владимир Зеленский Украина байрамдан кейин ҳам сулҳни давом эттиришга тайёрлигини билдирди.
Россия президенти Владимир Путин пасха байрами муносабати билан Украина билан урушда сулҳ эълон қилди. Бу ҳақда Кремл хабар берди.
"Православларнинг пасха байрами яқинлашиб келаётгани муносабати билан 11 апрель куни соат 16:00 дан 2026 йил 12 апрель куни охиригача сулҳ эълон қилинди", дейилади баёнотда.
Мудофаа вазири, Бош штаб бошлиғи ва қўмондонликка "ушбу даврда барча йўналишларда ҳарбий ҳаракатларни тўхтатиш бўйича кўрсатма берилди".
Украина президенти Владимир Зеленский Кремл томонидан 11-12 апрель кунлари Пасха байрамлари муносабати билан эълон қилинган сулҳга жавобан ўзаро чоралар кўрилишини эълон қилди.
"Украина биз ўзаро чоралар кўришга тайёр эканлигимизни бир неча бор таъкидлаган. Бу йил биз Пасха байрамлари пайтида сулҳ таклиф қилдик ва шунга мувофиқ ҳаракат қиламиз", деб ёзди у ижтимоий тармоқларда.
"Одамларга таҳдидларсиз пасха ва тинчликка эришиш учун ҳақиқий ҳаракатлар керак ва Россия пасхадан кейин ҳужумларга қайтмаслик имкониятига эга", деб қўшимча қилди Зеленский.
