22 апрелдан масофавий молиявий хизматларда янги тартиблар амал қилади
Агар телефон рақам ёки банк картаси бегона шахс номида бўлса, муаммолар кузатилиши мумкин.
22 апрелдан масофавий молиявий хизматларда хавфсизлик бўйича қандай янгиликлар киритилади? Марказий банк тушунтириш берди.
Кўпчилик “Телефон рақам ўз номимда бўлмаса, иловадан фойдаланиш имконсиз” деб ҳисобламоқда.
Аслида эса 22 апрелдан фақат янги мижозлар учун тадбиқ этилади:
- телефон рақами, ЖШШИР ва банк карта кимга тегишли — бир-бирига мос келадими ёки йўқ.
Агар барча маълумотлар ўзаро мос бўлса — ҳеч қандай муаммо юзага келмайди ва сиз иловадан одатдагидек фойдаланишда давом этасиз.
Агар телефон рақам ота-онам, опам ёки қизим номида бўлса-чи?
Агар телефон рақам яқин қариндошингиз номида бўлса: ота- она, опа - сингил, турмуш ўртоғи, фарзанд. Бунда сиз иловадан фойдаланишда давом этишингиз мумкин.
Яъни, яқинлар ўртасида бу тартиб ҳеч қандай муаммо туғдирмайди.
Қачон муаммо келиб чиқиши мумкин?
Муаммо фақат битта ҳолатда пайдо бўлади:
Агар телефон рақам ёки банк карта сизга умуман алоқаси бўлмаган бегона шахс номида бўлса.
Масалан:
- бегона одам номига расмийлаштирилган телефон рақам;
-бошқа одамнинг банк картаси.
Бу янгилик ҳамма учун амал қиладими?
Йўқ.
Бу тартиб асосан 22 апрельдан кейин янги рўйхатдан ўтадиганлар учун.
Агар сиз аллақачон иловадан фойдаланаётган бўлсангиз — ҳаммаси аввалгидек қолади.
