Трамп АҚШ НАТОдан чиқиб кетиш ҳақида жиддий ўйлаётганини айтди
У НАТО ҳамкорларининг ишончлилигига узоқ вақтдан бери шубҳа билан қараганини қўшимча қилди.
АҚШ президенти Доналд Трамп НАТОдан чиқиб кетиш ҳақида жиддий ўйламоқда.
Президент ҳар доим алянсни "қоғоз йўлбарс" деб ҳисоблаганини ва энди иттифоқдан чиқишни жиддий кўриб чиқаётганини айтди. У НАТО ҳамкорларининг ишончлилигига узоқ вақтдан бери шубҳа билан қараганини қўшимча қилди.
"НАТО менга ҳеч қачон таъсир қилмаган. Мен уларнинг қоғоз йўлбарслар эканлигини ҳар доим билардим. Айтганча, Путин ҳам буни билади", деди АҚШ президенти The Telegraph нашрига берган интервьюсида.
Яқин Шарқдаги можародан кейин АҚШнинг НАТОга аъзолиги ҳақидаги позицияси ўзгарадими, деган саволга у: "Ҳа, ҳа, мен уни қайта кўриб чиқиш мумкин эмас, деб айтардим", деб жавоб берди.
17 март куни Доналд Трамп НАТО мамлакатларини Эронга қарши ҳарбий операцияда иштирок этишдан ва Ҳормуз бўғозини очишга ёрдам беришдан бош тортгани учун танқид қилди. Унинг таъкидлашича, иттифоқ мамлакатлари АҚШ ҳукумати ўз мудофаасига "юзлаб миллиардлаб доллар" сарфлаганига қарамай, "айниқса муҳтож пайтларда" Қўшма Штатлар учун "ҳеч нарса қилмайди".
Кейинроқ Трамп АҚШ унинг илтимосини рад этган мамлакатларга энди ёрдам бермаслигини эълон қилди.
