Ўзбекистонда илк темир даврига оид шаҳар қолдиқлари топилди
Милоддан аввалги тахминан 1200–800 йилларни қамраб олган илк темир даври бронза давридан кейин бошланган ва тадқиқотчилар учун алоҳида қизиқиш уйғотади.
Ўзбекистонда илк темир даврида оид шаҳар қолдиқлари топилди.
Хитой-Ўзбекистон қўшма археологик экспедицияси Сурхондарё вилоятидаги қадимий аҳоли манзилини аниқлади. Бандихон II да олиб борилган қазишмалар давомида олимлар милоддан аввалги Х асрда асос солинган ва милоддан аввалги VIII асргача — тахминан 3000 йил олдин мавжуд бўлган шаҳар қолдиқларини топдилар.
Ушбу кашфиёт илк темир даври аҳоли пунктларининг жойлашуви, қурилиш усуллари ва функциялари ҳақида аниқ маълумот беради. Тадқиқотлар шуни тасдиқладики, пастки маданий қатламлар шу даврга тўғри келади. Бандихон II Бандихон воҳасидаги ўз туридаги энг йирик ва энг яхши сақланган аҳоли пункти сифатида тан олинган.
Сурхондарё вилояти азалдан Ўзбекистоннинг энг бой археологик ҳудудларидан бири сифатида танилган. Ушбу янги кашфиёт бизга минтақанинг тарихий ривожланишини яхшироқ тушунишга ёрдам беради ва қадимги даврларда Марказий Осиёнинг савдо йўллари ва маданий алоқаларига ойдинлик киритади.
Тахминан милоддан аввалги 1200–800 йилларни қамраб олган илк темир даври бронза давридан кейин бошланган ва тадқиқотчилар учун алоҳида қизиқиш уйғотади.
Олимларнинг таъкидлашича, топилган меъморий қолдиқлар ва артефактлар қадимги аҳолининг ҳаёти, уларнинг ижтимоий тармоқлари ва технология даражаси ҳақида маълумот беради.
Кейинги қазишмалар янги кашфиётлар бериши ва илк темир даври тарихини янада аниқроқ очиб бериши кутилмоқда.
