Шаҳрам Ғиёсов Усик-Верховен жанги олдидан рингга чиқади
Ўзбекистон вакили британиялик Жек Каттераллга қарши жаҳон чемпионлиги учун жанг қилади.
Ўзбекистонлик боксчи Шаҳрам Ғиёсов 23 май куни Мисрда бўлиб ўтадиган Олександр Усик ва Рико Верховен ўртасидаги жангда рингга андеркардда чиқади.
Инсайдер Дан Рафаэлнинг сўзларига кўра, Шаҳрам Ғиёсов британиялик Жек Каттераллга қарши жанг қилади. "Оддий" WBA ярим ўрта вазн тоифасидаги чемпионлик унвони хавф остида қолади.
Ғиёсов илгари 2 май куни вақтинчалик чемпионлик учун Раул Куриэл билан жанг қилиш бўйича музокаралар олиб борган эди, аммо энди жанг "оддий" WBA камари учун бўлиб ўтади.
Шуни таъкидлаш керакки, Шаҳрам Ғиёсов 2023 йилдан бери WBAʼнинг мажбурий даъвогари ҳисобланади.
Хорижий оммавий ахборот воситалари таъкидлаганидек, Ғиёсов-Кеттералл жанги келгуси ойларда Роландо Ромеро ва Девин Хейни ўртасида бирлашиш жанги учун самарали йўл очади.
Маълумот учун: аандеркард — боксда асосий жанг олдидан бўлиб ўтадиган бошқа тўқнашувлар.
