Трамп Эрондан кейинги "нишон"га ишора қилди
Майамида нутқ сўзлаган АҚШ раҳбари Куба ҳақида гапирди.
АҚШ президенти Доналд Трамп Эрондаги можаро ҳақида гапираётиб, Кубани "кейинги" деб атади.
"Куба кейингиси", дея таъкидлади Трамп. АҚШ президенти айнан нимани назарда тутаётганини аниқ айтмади.
Сўнгги вақтларда Куба атрофидаги вазият ҳам кескинлашиб бормоқда. Трамп Венесуэладан кейин Куба навбатдаги нишон бўлишини таъкидлаб келарди.
Трамп Флорида штатининг Майами шаҳрида бўлиб ўтган инвестиция форумида нутқ сўзлади.
Трампнинг сўзларига кўра, Қўшма Штатлар Эрон билан музокаралар олиб бормоқда. Унинг таъкидлашича, "агар биз бирор нарсани ҳал қила олсак, жуда яхши бўларди".
У шунингдек, Яқин Шарқ "янги озодлик даврига яқин" эканлигини айтди.
MC NOW маълумотларига кўра, Трамп Эронга қарши АҚШ-Исроил операциясига қизиқишини йўқотган.
