Словакия бош вазирига нисбатан давлатга хиёнат айби билан текширув бошланди
Бош вазир муҳолифат томонидан ҳокимиятни суиистеъмол қилишда, инсониятга қарши жиноятларда ва террористик фаолиятда иштирок этишда гумон қилинган.
Словакия полицияси бош вазир Роберт Фицога қарши давлатга хиёнат қилиш айби бўйича тергов бошлади.
Терговга мухолифатдаги Озодлик ва Бирдамлик партияси (Слобода а Солидарита, SaS)нинг ижтимоий тармоқларда эълон қилган баёноти сабаб бўлди, унинг раҳбари Бранислав Гролинг саналади.
"Бир ой олдин мен Фицога қарши давлатга хиёнат ва бошқа жиноятлар бўйича шикоят аризаси бердим. SaSʼдаги ҳамкасбларимдан ташқари, ушбу шикоятга 13 000 дан ортиқ одам қўшилди. Бу уни мамлакат тарихидаги энг катта полиция шикоятига айлантиради", деб ёзди Гролинг Инстаграмда.
Гролингнинг таъкидлашича, Бош прокуратурадан келган шикоят вилоят прокуратурасига, кейин эса полицияга юборилган. "Мен Роберт Фицонинг жиддий жиноятларда гумон қилинаётганига аминман, шунинг учун ҳам прокуратура, ҳам полиция бу иш устида ишлаётганини ва уни эътиборсизлик қилмаганини қадрлайман", деди Гролинг.
Pravda нашри таъкидлаганидек, мухолифат шунингдек, бош вазирни ҳокимиятни суиистеъмол қилишда, инсониятга қарши жиноятларда ва террористик фаолиятда иштирок этишда гумон қилмоқда. Бунинг сабаби Украинага "фавқулодда электр энергияси" деб аталадиган таъминотнинг узилишидир.
SaS партияси шунингдек, Матуш Шутаж Эштокни Ички ишлар вазири лавозимидан истеъфога чиқаришга чақирувчи таклифни тақдим этиш учун имзо тўпламоқда. Мухолифат бу масала бўйича овоз беришни кейинги парламент сессиясида ўтказилишини истайди.
