ОАВ: Эрон АҚШга сулҳ бўйича талабларни йўллади
Улар орасида Форс кўрфазидаги барча АҚШ ҳарбий базаларини ёпиш, товон пули тўлаш ва Ҳормуз бўғозида тартиб ўрнатиш кабилар бор.
Эрон расмийлари АҚШга сулҳ музокараларини қайта бошлаш талабларини тақдим этишди. Бу ҳақда The Wall Street Journal нашри манбаларга асосланиб хабар берди. Манбалар Теҳроннинг талабларини "жуда юқори" деб таърифлаган.
Эрон Қўшма Штатлардан Форс кўрфазидаги барча ҳарбий базаларни ёпишни, товон пули тўлашни ва Ҳормуз бўғозида тартиб ўрнатишни талаб қилмоқда, бу эса Эронга Миср Сувайш канали билан қилганидек, у орқали ўтиш учун тўловларни ундиришга имкон беради.
Эроннинг бошқа талаблари қуйидагиларни ўз ичига олади:
- ҳарбий ҳаракатларни қайта бошламаслик кафолатларини бериш;
- Ливан шиаларининг "Ҳизбуллоҳ" гуруҳига қарши Исроил ҳужумларини тўхтатиш;
- Эронга қарши барча санкцияларни бекор қилиш;
- Эронга келажакда ядровий дастурини чеклашга уринмасдан уни сақлаб қолишга рухсат бериш.
NYT ва Axios газеталари Қўшма Штатлар Эронга урушни тугатиш учун 15 банддан иборат режа юборганини хабар қилишди. NYT манбалари Вашингтоннинг режаси Эроннинг баллистик ракета дастури, мамлакатнинг ядровий дастури ва денгиз муаммоларини кенг қамраб олишини айтишди.
Axios манбасининг сўзларига кўра, таклиф Америка томони Женева музокаралари давомида илгари сурган баъзи талабларни ўз ичига олади.
