Шавкат Мирзиёев Владимир Путин билан мулоқот ўтказди
Атом электр станцияси қурилиш майдончасида пойдевор қўйиш маросими, Яқин Шарқ ва Украина атрофидаги вазият бўйича фикр алмашилди.
Ўзбекистон президенти Шавкат Мирзиёев Россия президенти Владимир Путин билан телефон орқали суҳбатлашди.
Суҳбат давомида Россия раҳбари Шавкат Мирзиёевни ва Ўзбекистоннинг барча фуқароларини баҳорги Наврўз байрами билан табриклади.
Атом энергетикаси, саноат ишлаб чиқариши ва транспорт соҳаларида бир нечта йирик қўшма лойиҳаларни амалга ошириш батафсил муҳокама қилинди. Хусусан, бугун Ўзбекистондаги Россия томонидан лойиҳалаштирилган атом электр станцияси қурилиш майдончасида пойдевор қўйиш маросими бўлиб ўтгани ва 16 март куни Олмалиқ кон-металлургия комбинатида етакчи Россия муҳандислик компаниялари билан жиҳозланган учинчи мисни қайта ишлаш заводи фойдаланишга топширилгани мамнуният билан қайд этилди.
Шунингдек, Яқин Шарқдаги можаро ва Украина атрофидаги вазият каби долзарб халқаро масалалар бўйича батафсил фикр алмашилди, дейилади Кремл хабарида.
Россия-Ўзбекистон стратегик шериклиги ва иттифоқини ҳар томонлама мустаҳкамлаш бўйича фаол қўшма ишларни давом эттиришга келишиб олинди.
