ТИВ мулозими кўрфаз давлатларининг Ўзбекистондаги вакиллари билан учрашди
Улар асосий минтақавий масалалар, Яқин Шарқдаги вазият юзасидан фикр алмашди.
Бугун Ўзбекистон ташқи ишлар вазирининг биринчи ўринбосари Баҳромжон Аълоев Қатар, Саудия Арабистони, Бирлашган Араб Амирликлари ва Кувайтнинг Ўзбекистондаги дипломатик ваколатхоналари раҳбарлари билан учрашди.
Мулоқот чоғида Ўзбекистон ва Кўрфаз араб давлатлари ўртасидаги ҳар томонлама муносабатларни ривожлантириш, шунингдек, “Марказий Осиё – Кўрфаз араб давлатлари ҳамкорлик кенгаши” формати доирасидаги ҳамкорликни кенгайтириш масалалари муҳокама қилинди.
Бундан ташқари, томонлар асосий минтақавий масалалар, жумладан Яқин Шарқдаги вазият юзасидан ҳам фикр алмашди.
